Yn dilyn llwyddiant cyfres Dref Wen Storïau Hanes Cymru ar gyfer Cyfnod Allweddol 1 bu galw mawr gan athrawon i ni ei hestyn.

O ganlyniad comisynodd Awdurdod Cymwysterau, Cwricwlwm, ac Asesu Cymru ddeuddeg teitl newydd ac mae’r gyfres nawr yn cynnwys wyth teitl ar gyfer Cyfnod Allweddol 2 yn ogystal â theitlau newydd ar gyfer Cyfnod Allweddol 1 a’r dosbarth derbyn. Mae’r teitlau newydd yn dilyn y patrwm a sefydlwyd yn y llyfrau gwreiddiol gan gynnwys, wrth gwrs, lluniau manwl a deniadol. Unwaith eto, awdur y gyfres yw John Evans, Ymgynghorydd Hanes, Powys.

Dangosir cloriau’r teitlau newydd gyferbyn.

Mae’r llyfrau:

• wedi’u comsiynu gan ACCAC i ateb galw parhaol gan athrawon dros Gymru benbaladr am adnoddau perthnasol a deniadol ar gyfer dysgu hanes Cymru

• yn ymdrin â phynciau a astudir yn aml yng Nghyfnod Allweddol 1 ac agweddau o holl feysydd astudio Cyfnod Allweddol 2

• yn cynnwys testun a lluniau wedi’u seilio ar ymchwil hanesyddol gofalus ac yn adrodd hanes pobl go iawn

• yn adrodd straeon am ddynion, menywod a phlant o bob rhan o Gymru. Maent hefyd yn adlewyrchu amrywiaeth profiadau pobl yn y gorffennol.